பீஸ் ஸால் (கே) பாத்

பயந்துட்டீங்களா? இல்லைதானே? இது இருபது வருடங்களுக்குப்பின்.......
அப்ப இது?

சிம்பிள். .....இருபது வருடங்களுக்கு முன்.....எடு அந்தக் கொசுவத்தியை:-)

தீபாவளி வருதே, கொஞ்சம் கடலை மாவு இருந்தால் (என்) மனசுக்குப் பிடிச்ச மைசூர்பா(க்) பண்ணிக்கலாமே.......தேடுதேடுன்னு தேடினேன். ஊஹூம்......

கடைசியில் இங்கே இருந்த ஒரே கடையில் கேட்டப்ப, அந்தச் சீனருக்குப் புரிய வைக்கறதுக்குள்ளே தாவுதீர்ந்து போச்சு. கடலைப்பருப்பைக் கண்டுபிடிச்சு, அதைப் பவுடரா அரைச்சுக் கிடைக்குமான்னு 'விளக்கி'னேன்.

பக்கத்துலே ஒரு மணி நேரப்பயணத்துலே இருக்கும் ஊரில் ஒருத்தர் 'மில்' வச்சுருக்காராம். அவரைக் கேட்டுட்டுச் சொல்றேன்னார். இந்த நிலைமையில் 'அரைக்கிலோ போதுமுன்னு சொன்னா எங்கே கொலை செஞ்சுருவாரோ'ன்ற பயத்தில் ரெண்டு கிலோ வேணுமுன்னு சொல்லி வச்சோம்.

ஒருநாள் அவர் உண்மையாவே ஃபோனில் கூப்புட்டுச் சொல்றார், கடலைமாவு அரைச்சு வந்துருச்சாம். ஓடுனோம்.......வாங்கியாறத்தான்.

அதுக்கப்புறம் இன்னும் சில வருசங்கள் ஆனதும் ஃபிஜி இந்தியன் கடைகள் (ஒண்ணு தொறந்தா இன்னொண்ணு மூடிரும் ) வந்துவந்து போகும் காலக்கட்டத்தில் 'பேஸின்' கிடைச்சுக்கிட்டு இருந்துச்சு.

ஆக்லாந்துலெ இருந்து இனிப்புகள் பாக்கெட் போட்டு, இந்தியன் கடைகளில்( இப்ப நாலு இருக்கு)கிடைக்க ஆரம்பிச்சிருக்கு. பரவாயில்லை,சுமாரா இருக்கு. நமக்குக் 'கோமளவிலாஸ்' இனிப்புகள் கோபால் மூலமாக் கிடைக்குது. என்ன.....தீபாவளிச் சீஸனில் சிங்கைப் பயணம் அமையணும்.

போனவருசம் தீபாவளி சமயத்தில் ஆஸ்தராலியா போய்வரும் வாய்ப்புக் கிடைச்சதுலெ, இனிப்பு அங்கெயிருந்து வாங்கியாந்தோம்.

இந்த இருபது வருசத்தில் முதல்முறையா உள்ளூர்லே ஒரு இந்திய உணவகத்தில் இனிப்புகள் தீபாவளிக்குன்னே செஞ்சு, மக்களுக்குச் சேவை செய்யும்விதமா விற்க ஆரம்பிச்சிருக்காங்க.

கடை முதலாளி விவரம் சொன்னதும் பஹூத் குஷ் ஆச்சு. எண்ணி ஏழுவிதம் செய்யறாராம். அதுலெ பேஸின் லாடு, பேஸின் பர்ஃபி, குலாப் ஜாமூன் தவிர மற்றதையெல்லாம் வாங்கிவந்துட்டேன்.

நோகாம நோம்பு கும்புடக் கத்துக்கிட்டேன் இப்பெல்லாம்:-))))

இதோ.............படங்கள் உங்களுக்கு.

பட்டாஸ் இல்லாத தீவுளியா? நெவர்..... மூணு நாளுக்கு முன்னே வெடிச்சாத் தப்பா?

அனைவருக்கும் இனிய தீபாவளி வாழ்த்துக்களை அன்போடு தெரிவித்துக் கொள்கின்றோம்.

என்றும் அன்புடன்,

துளசி, கோபால் & (த ஒன் அண்ட் ஒன்லி ) கோபாலகிருஷ்ணன்.